Bloke abolizionista osatzen dugun eta Bilbo Feminista Saretzen (BFS) ekimenean ibilbide luzeko parte hartzea daramagun hainbat elkarte eta emakume feministok koordinakunde honen batzarretan azken urteotan gertatu den gardentasun eta manipulazio falta salatu nahi dugu.
Gure ustez, BFSk Bizkaiko mugimendu feminista osatzen duten erakunde eta korronte ideologikoen adierazgarri izan beharko luke, eta aniztasun horren isla. Hala ere, azken hilabeteotan egiaztatu dugu gero eta gabezi handiagoa dagoela funtzionamendu demokratikoan, gure jarrera ideologikoa behin eta berriz baztertu eta isilarazteko ahaleginekin, eta BFSk ez du borondate politikorik adostasunak bilatzeko, eta horrek jasanezina egiten du espazio horretan dugun presentzia.
Batzar horretako hainbat taldek gertaerak faltsutu dituzte agenda transfeministarako bira justifikatzeko, eta korronte kritikoak kanporatuz.
Sinatzaileok salatu nahi dugu BFSko zenbait erakundek desitxuratu egin dituztela taldeetan lantzen ziren barne informazioak; konfidentzialtasuna, edukia eta talde-lanaren prozesua errespetatu gabe, gure taldeak transfobotzat jotzeko, eta baieztapen hori gure difamazioa eta zentsura justifikatzeko erabili dute.
Gure kontrako egoerak bizi izan ditugu, bai batzarretan, bai lantaldeetan, eta egoera horiek ez lirateke lan-gune feministetan gertatu behar. Era berean kritikatzen ditugu: BFSek erabakiak hartzeko prozedura demokratiko argirik ez izatea eta BFSren barruan narratiba bakarra ezartzea.
Ikuspegi bakarra inposatu nahi izateak demokrazia parte-hartzailerik eza baino ez du erakusten eta disidentzia sozio-politiko orori transfobia eta faxismoa leporatzeak.
Ezin dugu jarraitu emakume guztiontzat segurua ez den espazio batean. Ezin dugu jarraitu Euskal Herriko mugimendu feministaren aniztasuna arriskuan jarriz jarrera hegemoniko bakar bat defendatzea helburu duen espazio batean, non ez den bermatzen pentsamendu aniztasunarekiko benetako errespetua. Hori dela eta, Euskal Herriko Mugimendu Feminista korronte neoliberalistara murrizteko ahaleginaren aurrean, erabaki dugu BFSri laguntzen ez jarraitzea , eta koordinazio-modu berriak bilatzea, non korronte feminista anitzak sartzen diren.
Sinatzaileok berretsi egiten dugu feminismo abolizionistarekin dugun konpromisoa, emakumeak feminismoaren subjektu politiko gisa defendatzea, emakumeenganako indarkeria mota oro arbuiatzea (emakume izateagatik soilik), prostituzioa, pornografia, generoa eta alokairuko sabelak abolitzea aldarrikatuz, emakumeenganako egiturazko indarkeriaren tresna patriarkalak direlako.
Ikuspegi hori partekatzen duten emakume eta talde guztiekin sarean lan egiten jarraitzeko borondatea adierazten dugu.
Talde feminista abolizionistok gure hurrengo deialdietan parte hartzera gonbidatzen zaituztegu:
- AZAROAK 21, OSTIRALA: ERAILDAKO EMAKUMEEI OMENALDIA. ARRIAGA PLAZAN 19:00ETAN
- AZAROAK 25, ASTEARTEA: KONTZENTRAZIOA EMAKUMEENGANAKO INDARKERIAREN AURKAKO NAZIOARTEKO EGUNA dela eta. ARRIGAGA PLAZAN 19:00ETAN
¡Gora Borroka Feminista! ¡Gora Emakumeon Borroka!
Sinatzaileak: Lanbroa Kolektibo Feminista, Supervivientes en Acción, Gaur egun Bizkaiko Emakume Feminista Erradikal barruan (BEFE) dauden emakume independenteak.
