Indarkeria sexistaren aurkako Matazak mugimenduak bultzatutako pentsamendu feministaren V. topaketak ‘Genero-desberdintasunek emakumeen osasunean duten eragina’ izango du hizpide. Jardunaldia Villabonako Gurea antzokian egingo da bihar, 9:00etatik 14:30era, eta streaming bidez ere jarraitu ahal izango da.
Ekitaldian zehar, hainbat hizlarik, bakoitzak bere jakintza-eremutik, osasun-arloan feminismoaren ibilbidea aztertuko dute, eta zaintzak eta generoak osasunean duten eragina jorratuko dute, besteak beste. Era berean, osasun-sisteman emakumeak subjektu aktibo eta ez-pasibo gisa aitortzeko beharra aztertuko da, generoen alborapenak eta ikuspuntu androzentrikoa ezabatuz eta genero isuriak osasun arloko adimen artifizialean ere landuko dituzte.
Literatura tailerra
Interesa dutenek izena posta elektroniko honetan: encuentrofeministamadejas@gmail.com eman dezakete izen-abizenak adieraziz eta online edo aurrez aurre joango diren azalduz; bi aukerak erabat doakoak dira.
Jardunaldia amaitzeko, Matazak-en IV. Sari Feminista banatuko da. Liburuak eta Nobel Run jokoa ere zozketatuko dira.
Gaur ‘Nuestros cuerpos, nuestras vidas’ izenburupean literatura tailerra izango da Gurea antzokian, Josune Muñoz adituaren eskutik. Arratsaldeko 18:30etik 20:30era izango da, eta kasu honetan ere, Gurea antzokitik edo streaming bidez parte har daiteke encuentrofeministamadejas@gmail.com helbidean aurrez izena emanez gero.
Egitaraua
-
- 9:00. Sarrera eta egiaztagirien banaketa.
- 9:30. Ekitaldiaren hasiera. Parte hartzaileak: Miren Elgarresta Larrabide (Emakundeko zuzendaria), Beatriz Unzue Esnaola (Amasa-Villabonako alkatea), Arantza Lopez Luloaga (Amasa-Villabonako Udaleko berdintasun zinegotzia), Isabel Otero (Matazak mugimenduko arduraduna) eta Arantza Campos Rubio (Matazak mugimenduko amandrea).
- 10:00. Osasuna, teoria eta aldarrikapen feministen eremuan. Hizlaria: Belen Nogueiras Garcia, psikologo klinikoa eta ikerketa feministetan doktorea.
- 10:45. Zaintzak eta genero eragina osasunaren gain. Hizlaria: Mariangeles Alvarez Garcia, osasun psikologoa eta genero indarkerian aditua den psikoterapeuta.
- 11:30. Atsedena.
- 12:00. Genero isuriak osasun arloko adimen artifizialean. Hizlaria: Lorena Fernandez Alvarez, Deustuko unibertsitatearen komunikazio digitalaren zuzendaria.
- 12:45. Mahai ingurua: Genero ongiezen antzemate, prebentzio eta ekintzak Euskal Herriko osasun publikoan.
- 13:30. IV. Matazak Sari Feministaren banaketa eta liburu ezberdinen eta Nobel run jolasaren zozketa.
- 14:00. Amaiera.
