Azaroaren 25ean ospatuko den Emakumeenganako Indarkeria Ezabatzeko Nazioarteko Eguna dela eta, Iurretan ekitaldi eta tailer ugari antolatu dira azaroan zehar, herritarrak genero-indarkeriaren problematikaren inguruan ikusarazteko eta sentsibilizatzeko.
Egitaraua azaroaren 12an hasi zen ‘Zaindu zure hormonak 40etatik aurrera’ hitzaldiarekin, eta azaroaren 19an jarraituko du autozainketa-tailerraren hasierarekin. Tailer honek jarraipena izango du, azaroaren 26an eta abenduaren 3an eta 10ean, 18:00etatik 20:00etara.
Programazioak aurrera egingo, Gurutze Gorriak emango duen tailerrarekin eta haurrak eta nerabeak babestearen inguruan sentsibilizatzeko, Biltzen– Gizarteratzea eta Kulturarteko bizikidetzaren euskal zerbitzuarekin batera.
Bestalde, azaroaren 21ean zine-fourm emanaldia izango da Anderebide Emakumeen Elkartearen eskutik Carlos Sedes zuzendariaren ‘No estás Sola’filmarekin. Ibarretxe Kultur Etxan izango da arratsaldeko 18:00etan.
Ohikoa denez, azaroaren 25ean pegatinak eta puntu lilak banatuko dira. Bibliotekan informazio-gune bat sortuko da azaroaren 25eko gaiaren inguruan, eta 18:00etan adierazpen instituzionala irakurriko da, irakurketan parte hartu nahi duten elkarte eta norbanakoen parte-hartzearekin. Ondoren, manifestazio batek herriko kaleak zeharkatuko ditu.
Bestalde, azaroaren 29an, 19:00etan, ‘Cuentos populares de Calvino y otras patrañas del Mediterráneo’ izeneko ipuin kontaketa saioa izango da Aurora Cuerorekin. Programazioa azaroaren 30ean amaituko da, lau orduko autodefentsa ikastaroarekin, 10:00etatik 14:00etara. Horretarako, beharrezkoa izango da izena ematea azaroaren 22a baino lehen, 946215372 telefonoaren bidez edo gizarte-ongizate@iurreta.eus helbide elektronikoaren bidez.
