Badator Durangoko Azoka eta aurten presentziala izango da, covid-en aurkako neurri guztiak hartuta. Pandemia dela eta aforoa mugatu dute eta guneetara sartzeko hitzordua hartu beharko da. Aurkezpen asko zuzenean erretransmitituko dira Azokako weborrian.
Guztira, 165 partehartzaile izango ditu 56. Edizioak, abenduaren 4tik 8ra: argitaletxeak, diskoetxeak, kultur elkarteak, erakundeak, banatzaileak eta abar. Programan teoria feministaren presentzia txikia izan arren gero eta emakume gehiago dira aurkezpenetako protagonistak.
Hona hemen zerrenda:
Liburuen aurkezpena
(Saguganbaran, umeentzako ipuinak aurkeztuko dituzte Leire Bilbaok, Yolanda Arrietak eta Eider Eibarrek, besteak beste)
Abenduak 4
Algara mutilatuak – Ane Labaka
Atal asko mutilatu daitezke gorputz batean. Ohikoa den mutilazio horietako bati heldu dio idazleak bere lanean, algararen erauzketari. Emakumezkoon gorputzetan fenomeno hori nola ematen den ikertzea izan du jomuga..
13:30 – 14:00 Ahotsenea – Musika Eskola
Lumineszenteak – Emakumeen aurkako indarkeria ikusezinak, eta erresilientzia historia zenbait
Emakumeen inguruko diskurtso homogenizatzaileak apurtu eta, horien ordez, begirada konplexuagoak bideratzeko saiakera bat da hau.
15:30 – 16:00 Talaia – Musika Eskola
Jasone Osoro – Festak eta hormak
Gazteengan berariaz pentsatuz sorturiko traola bilduma, hamasei urtetik aurrera; euren bizipenen, sentimenduen eta emozioen ispilu.
16:00 – 16:30 Ahotsenea – Landako
Nerea Loiola – Epizentroa
Zazpi ipuinez osatua da idazlearen lehen narrazio bilduma hau. Gai ugari ukitzen ditu: maitasuna, desioa, sexua, gurasotasuna, zoriontasunaren eraikuntza, nahiak-ardurak-ezinak…
17:00 – 17:30 Ahotsenea – Landako
Abenduak 5
Uxue Apaolaza – Bihurguneko nasa
Bederatzi narrazio, koadrila baten elkartzearen kontakizunak.
16:00 – 16:30 Ahotsenea – Landako
Eider Rodriguez – Eraikuntzarako materiala
Aita baten puskak bildu ditu egileak bere aurreneko nobelan.
16:30 – 17:00 Ahotsenea – Landako
Leire Vargas – Dena ametsen den irudipena
Gazte baten noraezak, barne-minak eta egokitu ezinak dira poema sorta honen gaiak.
17:00 – 17:30 Ahotsenea – Landako
Itziar Ugarte Irizar – Gu gabe ere
Momentu bat jasotzen du Itziar Ugarte Irizarren lehenengo poema liburuak, dena irabazteko izan eta dena galtzeko beldurra sentitzen hasten garen momentu hori.
18:00 – 18:30 Ahotsenea – Musika Eskola
Abenduak 6
El agua te lo dirá- Itxaso Muro
Sorkutzan eleaniztasunaren eraginari buruzko esperimentua da liburua.
11:00 – 11:30 Talaia – Musika Eskola
Irati Jimenez – Begiak zabalduko zaizkizue
Euskal literatura sistema gisa aztertzen duen saiakera ondu du egileak
12:00 – 12:30 Ahotsenea – Landako
Yolanda Arrieta – Zerak
Lagun ezkutukoak barruko indarrak dira, dio idazleak. Susmoak, ikarak, galerak, nahiak… ZERAK.
12:30 – 13:00 Ahotsenea – Landako
Alaine Agirre- Karena
Amatasunarekin loturiko hainbat gai, normalean isilpean eta ezkutuan geratzen direnak agerira dakartza idazleak.
13:30 – 14:00 Ahotsenea – Musika Eskola
Ana Urkiza – Garen hori
Euskal balioen eta nortasunaren inguruko hausnarketa kolektiboa
17:30 – 18:30 Talaia – Landako
Irati Goikoetxea – Herriak ez du barkatuko
ETAk eragindako heriotzaren ondorioei buruzko istorioa.
18:00 – 18:30 Ahotsenea – Musika Eskola
Beatriz Fernandez – Hizkuntza gogoan
Zer da hizkuntza? Haur basatiek hizketan ikas dezateke? Gu al gara hitz egiteko gai diren animalia bakarrak? Txinpantzeek hizketan ikas dezakete? Horiexek dira irakurleak liburu honetan aurkituko dituen galderetako batzuk.
19:30 – 20:00 Ahotsenea – Musika Eskola
Abenduak 7
Sendabelarrek dakitena – Garbiñe Larrea Iturraldea
Liburu honetan 45 sendabelarren propietateak ezagutzeko eta osasunaren mesedetan erabiltzeko informazio zehatza dago.
11:00 – 11:30 Talaia – Musika Eskola
Maribel Aiertza- Ezer ez da dirudiena
Ipuin honetako zortzi narrazioak artearen gai eta giroan murgilduta daude.
12:00 – 12:30 Ahotsenea – Landako
Goizane Aizpurua – Izarak
Bilaketa baten istorioa da eta horrek dakarren ikerketa gai batzuen inguruan: gorputza, generoa, intimitatea, rolak, harremanak, maitasuna… Identitatearen eraikuntza.
13:00 – 13:30 Ahotsenea – Musika Eskola
Cristina Bueno, Susanna Martin – AHMAL, Bizitza batekin amets egitea
Komiki honek Libanon bizi diren Palestinako emakume errefuxiatuen errealitatea azaltzen digu.
15:30 – 16:00 Ahotsenea – Landako
Laura Mintegi eta Carles Torner – PEN Klubak 100 urte
PEN erakundeak mundu osoko idazleen arteko laguntasuna, lankidetza intelektuala eta trukea sustatzen du. Laura Mintegi, Euskal PENeko burua, elkarrizketatuko da.
17:30 – 18:30 Talaia – Landako
Nerea Mendizabal – Jirafa hizkuntza. Komunikazio ez bortitza
Ikasleekin komunikazio ez bortitza lantzeko proposamenak.
17:30 – 18:30 Talaia – Landako
Libe Goñi – Har 3 minutu
Lasaitzeko denbora hartzera gonbidatzen gaitu autoreak.
17:30 – 18:30 Talaia – Landako
Leire Ugadi – Antologia ez hautatua
Poesia errezitaldi labur bat eskaini, eta bere literatur proiektua aurkeztuko du sortzaileak
19:00 – 19:30 Ahotsenea – Musika Eskola
Abenduak 8
Oihana Arana – Lazunak azkazaletan
Poesiaren unibertsoari buruz eta sorkuntzari buruz hitz egingo du autoreak
14:00 – 14:30 Ahotsenea – Musika Eskola
Elena Martinez Rubio – Egun gorrietan
Hogeita bost pieza dotoretan eskaintzen digu Elena Martinez Rubiok mundu-ikuskera baten berri zehatza, egin dituen bidaien harira.
16:00 – 16:30 Ahotsenea – Landako
Amaia Telleria, Teresa Calo – ‘Pitzatuta gaude denok’, ‘Aurkituko zaitut’
Zer aurkitu ote du Blancak sare sozialetan bere bizitza hórrela okertzeko?
17:30 – 18:00 Ahotsenea – Musika Eskola
Diskoen aurkezpena
Abenduak 4
Eneritz Furyak – Emadan
Musikariaren iritzian bi bide eskaintzen dizkigu munduari buruzko ideak: galderarik egin gabe ezarritako bidea jarraitzera behartzen gaituena edo bide bera edo norbera zalantzan jarri eta ondorioz lekuz kanpo sentitzeagatik bi bider sufriarazten diguna.
12:10 – 12:40 Ahotsenea – Plateruena
Anari – Orain entzungo duzun hau…
Bi abesti eskainiko ditu single formatuan.
21:30 – 22:00 Ahotsenea – Plateruena
Abenduak 5
Ilargi – Killasisa
‘Killasisa’ Ilargiaren lehen lorea da, 8 abestiz osatutakoa. Bertan ildo ezberdinetako abestiak aurki daude, bai abesti sentimentalak baita gizarteari kritika egiten diotenak ere.
18:00 – 18:30 Ahotsenea – Plateruena
Kai Nakai – Kolpe
Maitia bere fase guztietatik igarotzen den maitasun istorio batez mintzo da kantaria: lehen maitasuna, maitasun toxikoa, norberaren maitasuna, maitemintzea eta maitasun on eta osasuntsua.
19:10 – 19:40 Ahotsenea – Plateruena
Maite Larburu – Krak
Abeslariaren bigarren bakarkako diskoa da. Disko-mosaiko bat da,helburu anitzekin eta kolaborazio desberdinetarako sorturiko musikazatiz osatua.
19:30 – 20:00 Ahotsenea – Musika Eskola
Abenduak 7
Ekiñe – Besterik ez
Musika askapen modura erabilita, lan honetan dudak, beldurrak, itzalak azaleratzen saiatu da kantaria.
11:00 – 11:30 Ahotsenea – Plateruena
Estitxu- Isilik daude harriak
Estitxuren bigarren lana da. Disko berri hau dokumentazio eta ikerketa lan handiaren emaitza da. Izan ere, arrazoi politiko, sozial, erlijioso edo moralengatik XX. mendean zentsuratuakizan diren 10 abesti jaso eta moldatu ditu Mikel Santxezen laguntzarekin.
18:00 – 18:30 Ahotsenea – Plateruena
Filmak
Abenduak 4
Gure hots – Arrate Fernandez Itxaso
Azken 40 urte hauetako Euskal emakumearen lan munduaren erradiografia kontatzen da historikoki.
16:30 – 18:30 Irudienea – Zugaza
Nora – Lara Izagirre Garizurieta
Nora Euskal Herrian zehar bidaiatzen da libre izateko, hazteko, zauriak ixteko eta lehenengo aldiz bere buruari zoriontsu izateko aukera emateko.
18:30 – 20:30 Irudienea – Zugaza
Abenduak 6
Orratz Ondareak – Bego Goitia eta Irune Mateo
Urzainkin (erronkariko bailaran) emakumeek bailarako janzki tipikoak berreskuratzeko egiten duten lana erakusten du filmak, besteak beste.
11:00 – 12:00 Irudienea – Zugaza
Abenduak 7
Maroma, idatzi gabeko Erandioko historia – Erantzi emakume elkartea
Dokumentalean zortzi emakumeren testigantzak jasotzen dira. Ikus eta senti daiteke emakumeek sistema arrakalatu dutela (bakoitzak bere eremutik) eta bizitzea merezi duten bizitzak eraiki dituztela. Zapalkuntza anitzak eta ariketa indibidual zein kolektiboak korapilatzen dira ikus-entzunezko honetan.
11:00 – 12:00 Irudienea – Zugaza
Erlauntza – Mireia Gabilondo
Koadrila bateko asteburu ‘eroa’ izan behar zena, are gehiago erotuko da; trapu zaharrak, esan gabeko gauzak, esandakoak, alkohola, droga… Eta erlauntz bat.
18:30 – 20:30 Irudienea – Zugaza
Digitala
Abenduak 4
Booktegi – Ana Morales, Amaia Arakastain
Ana Morales eta Amaia Arakastain Booktegi plataforma digitalaren inguruan solastuko dira
12:30 – 13:00 Talaia – Musika Eskola
