Emakunde Sariaren deialdi berri bat onartu du gaur Eusko Jaurlakitzako gobernu kontseiluak. Sari horren bidez, jendaurrean nabarmendu eta aitortu nahi da emakumeen eta gizonen arteko berdintasunaren arloan egindako lanagatik gailendu diren pertsona fisiko edo juridikoen –publiko nahiz pribatuen– jarduna.
Sariaren diru-kopuru gordina 14.400 eurokoa da. Saria nori esleitu ebazteko, epaimahaiak honako irizpide hauek hartuko ditu kontuan; kasu bakoitzean, ponderazio berbera izango da: Hautagaiak emakumeen eta gizonen arteko berdintasunaren aldeko lanean egindako ibilbidea; Emakumeen lana aintzat hartzearren eta emakumeei boterean dagokien lekua itzultzearren, edo sexuen arteko eskubide- eta aukera-berdintasuna sustatzearren egindako jardun, ekintza, lan, eta proiektuek berez duten garrantzia; eta jardun, ekintza, lan edo proiektu horiek edo proposatutako pertsona horren ibilbideak gizartean duten oihartzuna eta eragina.
