Landa Emakumeen Nazioarteko Eguna Durangon ospatuko da bihar. Ekitaldia Eusko Jaurlaritzako Garapen Ekonomiko eta Azpiegituren sailak antolatu du hamaseigarrenez.
Jardunaldian Landa XXI elkarteak lideratzen duen ‘Zuhaitza’ proiektua aurkeztuko da. Egitasmoak hiru belaunalditako emakumeen irudiak eta testigantzak jasotzen ditu. Halaber, ‘El Colletero’ esperientzia ezagutzeko aukera egongo da. Emakumeek zuzentzen duten Errioxako elkartea da eta landa eremuan kokaturiko Nalda herrian hazkunde jasangarria eta berdintasuna bilatzen du.
Bestalde, 2015ean Eusko Legebiltzarrak onartu zuen Landa Emakumeen Estatutua garatzeko egiten ari den lanari buruz hitz egingo da.
Jardunaldia San Agustin Kultur gunean hasiko da 09.30ean. Ongi etorriaren ondoren, 10:00etan Landa Emakumeen Estatutuaren egoera azalduko da. 10.30ean El Colletero elkartea aurkeztuko da, hain zuzen, haren ibilbidea, misioa, bisioa eta esperientziak.
11.45ean ‘Zuhaitza’ proiektuaren berri emango da. 13:00etan jardunaldiari amaiera emango zaio eta ondoren bazkaria egongo da.

Albistearekin lotutako artikuluak
Feminismoak 22 azaroa, 2023
Una marcha de mujeres recorrerá la Margen Izquierda el 25N
121 mujeres han sido asesinadas en Euskal Herria desde que existen registros
Feminismoak 20 azaroa, 2023
‘Indarkeria matxistarik gabeko bizitzak’, A25eko manifestazioen leloa
Bloke abolizionistak egongo dira euskal hiriburuetan eta Durangon
Feminismoak 9 azaroa, 2023
Emakumeen euskarazko Wikipediak egin duen ekarpena erakutsiko da Zinebin
Durangon du epizentroa, Marisa Barrenak eta Andereak elkarteak bultzatuta